Salam, əziz tələbələr! Bu gün Alman dilinin maraqlı bir hissəsi olan Wechselpräpositionen mövzusuna baxırıq. Bunlar elə önlüklərdir ki, cümlənin mənasından asılı olaraq həm Dativ, həm də Akkusativ halda işlənə bilərlər.
Əgər hərəkət yoxdursa, yəni "Harada?" (Wo?) sualına cavab verirsə, Dativ istifadə edirik. Məsələn, "Kitab masanın üstündədir" - Das Buch liegt auf dem Tisch. Burada auf (üstündə) önlüyü Dativ tələb edir.
Amma əgər hərəkət varsa, "Hara?" (Wohin?) sualına cavab verirsə, Akkusativ işlədirik. Misal üçün, "Mən kitabı masanın üstünə qoyuram" - Ich lege das Buch auf den Tisch. Burada da auf (üstünə) var, amma hərəkət olduğu üçün Akkusativ istifadə olunur. Əsas qayda budur: hərəkət yoxdursa Dativ, varsa Akkusativ! Praktika ilə daha yaxşı başa düşəcəksiniz.